Wedding Day يوم الزواج

In Blog مدونهby Nora Saad15 Comments

30/04/2016 

Memorable Day     heart

_AOS2690

 بسم الله نبدأ

 صحيت الظهر وكانو نايمين عندي أختي وأعزصديقه لي 

صحيتهم يلا قومو اليوم زواجي surprise وصلو عاملات السبا سوولنا اظافرنا وبعدها مشينا للقاعه 

 

القاعه : نياره للاحتفالات 

nayyara

أول مادخلنا القاعه لقيت المصورات وصلو ماشاءالله قبل الموعد بساعه

المصورات ستوديو كاتيليا حجزت 6 مصورات فلبينيات 

اخلاق ونفسيتهم حلوه ومريحين في التعامل ودقه فالمواعيد وبالهم طويل

ومن أجمل المصورات المصوره ساره المهنا 

Instagram : cattelyastudio + saraalmuhanna 

  توجهنا لجناح العروسه  كان عباره عن 3 غرف 

غرفه الجلوس + غرفه النوم + غرفه الميك اب  + دوره مياه

وحبيت انهم وفرو مانيكان للفستان 

20160425_193928

أول مادخلت اخذت شاور وطلعت لقيت الميك اب ارتست الله يعافيها وصلت قبل الوقت حتى 

 ماجده (أنسانه دخلت قلبي أنا وأمي) بدت تسالني عن نوع الميك اب الي أحبه طلبت منها ميك اب خفيف وترابي

بدت علطول وسوت نفس ما أبي وأكثرheart والغريب أنه كلنا أنا واهلي وصديقاتي اتفقنا على انه الميك اب جميــــــــــــل

Instagram : Mgr_makeupartisit 

IMG-20160430-WA0044

بعدها وصلت مصففه الشعر جيسي طلبت منها تسريحه وسوتها لي وثبتت الطرحه 

شغلها جميل وثابت ماتغير ولا خرب كل اليوم

نصيحه/ بخصوص الطرحه خذي طرحه خفيفه انا حقتي ثقيله على راسي تعبتني 

Instagram : Jessyhairstyle 

بالنسبه للكعب من محل ميلانو على شارع العليا 

 I Do كان طلبيه الجلد واللون و من تحت كتبلي تاريخ الزواج + كلمه 

الكعب مريح وزي ما أنتم شايفين طلبت الحزام عشان يثبتني فالمشي 

اما الخلفيه الحمراء فالكعب ماتزحلق عالبلاط أنصح فزيارتكم للمحل وبقوه ماقصر

Instaram : milanoclassic 

_AOS2636

أخر خطوه لبست الفستان بعد ماصوروه عالمليكان 

بعدها اخذوني المصورات للاستوديو يصوروني قبل الزفه 

_AOS3265

بعدالتصوير في الاستوديو رحت أصور مع الكيكه 

 Ceremony_Sparkles  الكيكه من تصميم منظمين الزواج سيرموني سباركلز 

IMG-20160502-WA0015

صرت أسمع الطق بدأ والمعازيم جو وريحه البخور ملت القاعه والصبابات رايحين جايين

وقربت لحظه الزفه وجو ينادوني يلا يلا زفتك بتبدأ 

رحت اركض انا وفستاني والذيل يسحب وجت أختي الكبيره معي خلف الكواليس

تقولي سمي بالله وقرت علي الاذكار وقالتلي يلا توكلي الله يحفظك 

بدت الزفه والكل ينتظر هاللحظه 

انفتحت الستاير وتم ترا راااا 

الكل يطالع .. الكل متحمس .. وقفت مكاني .. وأخذت نظره سريعه عالمعزايم 

ابتسمت لهم ومشيت على الحان الزفه 

لاحظت كل الناس ولاحظت الي اعرفهم واشوفهم متعبرين ومبسوطين 

 يالله جمال هاللحظه بكل تفاصيلهاcryingheartلاتفوتونها واستمتعو 

انتبهو تضيعونها وتتوترون ولا ماتطالعون الناس وبس همكم توصلون للكوشه وتقعدون 

20160502_181332

هذي اللقطات من تصوير المصوره الجميله ساره المهنا 

Instagram : suzalmuhanna 

IMG_20160506_092740

?بعدها وقت التصوير والسلام على المعازيم وعلى احبابي وصديقاتي

_AOS3998

وبعد ما مرت ساعه كان  مفاجاه للحضور اشتغلت الحان موسيقى 

وبدأت (زفه الصديقات) اخترت اقرب ٢٠ صديقه لي 

ولبستهم طرح بيضا قصيره كانت من شغل( نوره القرعاوي) heartالله لايحرمني منها

ومشو طابور يمين وطابو يسار على الحان الموسيقى لما وصلو عندي

_AOS4171

هنا وقفت ومريت بينهم وهم يرقصون  وأخر شي جى وقت رمي مسكه الورد 

_AOS4202

عطيتهم ظهري وسويت نفسي برمي المسكه وكلهم متحمسين يمسكونها

فاجأتهم و لفيت وسلمت المسكه لاعز صديقه لي 

هنا سمعت المعازيم يصرخون ويصفقون وصديقتي جلست تصيح  cryingheart

_AOS4214

وأخر فقره غيرت فستاني ولبست فستان أبيض ثاني خفيف ومريح 

winkوطلعت أرقص مع الناس وأحلل يومي 

_AOS2855

الحين بتكلم عن  ديكور الزواج

كان حلمي بزواج خارجي في النهار بس الاجواء ماتساعد وقتها 

بس مصمم الديكور عبدالمحسن حقق لي حلمي وصمم لي ديكور حديقه داخل القاعه 

وعلق فوق طيور وحمام والطاولات كانت خشب وعليها ورود والالوان متناسقه والاضاءه مريحه للعين 

Instagram : Ceremony_sparkles 

بوريكم صوره للقاعه قبل التجهيزات 

Capture

وهذا شكل الديكور بعد التنفيذ heart

_AOS2729

وهنا صوره مدخل القاعه 

_AOS2807

بالنسبه للضيافه والتقديمات 

 مين غير ذا بوكس ماشاءالله heart

ما أثق فاحد غيرهم شي جميل ويواجه والحلويات كل نوع الذ من الثاني 

اما الصياني صمم لي صياني خشب متماشيه مع ديكور الزواج 

ماشاءالله 

Instagram : Theboxksa 

IMG_20160502_094953

وصلنا لأخر فقره صاله العشا 

بما أني أعشق السوشي حطينا ركن كامل للسوشي 

_AOS3986

وهنا صور لديكور صاله العشاء 

_AOS3898

أخر شي ابيكم تدعون لأمي 

من بعدالزواج جلست شهر بالعنايه المركزه والحين تتنفس عن طرق انبوبه تنفس 

حافظو على اذكاركم كل وقت 

نصيحه للعروسه 

لايضيق صدرك اذا اشياء ماصارت على مزاجك في الزواج ركزي عالاشياء الحلوه 

ركزي على الناس الي جت عشانك وتعبت معاك وقت التجهيز وتحبك وتدعيلك بالخير 

والأهم من هذا كله هذي مجرد ليله خلي تركيزك على حياتك الجديده وأدعي ربي يوفقكم ويسخركم لبعض 

خذي دورات قبل الزواج لك ولنفسك بتنفعك تفهمين وتتعاملين مع أمور كثيره

تفائلي وتوكلي على ربك وانبسطي بكل لحظه فحياتك بشكل عام

heart

يارب أفدتكم وعقبال كل العاوزين cheeky

Comments

  1. بوست متكااامل من كل ناحيه شكرا حبيبتييي افدتيني بجد! والله يشفي الوالده ويخليها لك يارب 

  2. ❤️❤️❤️❤️❤️❤️

    انبسطت وانا اقرا عشت جو العرس ثاني

    الصور جميلة??? 

    الله يوفقك ويهنيك ويشفي امك ويخليها لكم❤️

  3. كل شي كان بيرفكت ماشاءالله وانتي كنتي تهبلين بسم الله عليك❤️❤️ عجبتني التفاصيل بالزواج كل شي كان مدروس و حبيت انك كتبتي من اول اليوم عيشتينا معاك اللحظه ? 

    الله يسعدك ويسخرلك ويشفي الوالدة ويطول بعمرها 

  4. حبيت تعبيرك خفيف و سلس 

    زواج مرتب ?❤️

    الله يوفقكم ويسخركم لبعض ويسعدكم وعقبال ما تكتبين عن زواجات عيالكم يارب❤️? 

    والله يشفي امك ويخليها لكم يارب 

  5. ياحبيلك يانورة من يومك تحبين تفيدين غيرك بأدق التفاصيل، الله يسعدك ويرضى عليك ويجعل لك حياة سعيدة مديدة، والله يقر عينك بسلامة الوالدة عاجلاً غير اجل?كل شخص في حياته نورة محظوظ بروحك اللطيفة البريئة.

  6. الله يشفي امك يارب و يعافيها ويكشف مابها من ضر ..

    و ماشاء الله تغطيت زواج تهبل ، الله يوفقكم ويسعدكم بحياتكم ..

  7. مشاء الله تبارك الله الحفل كان اسطوره بمعنى الكلمه كان من احمل الحفلات كامل و متكامل جميل جدا مشاء الله و انتي كنتي جميله و انيق جدا الكل يحكي عن زواجك من جماله الله يوفقك و يسعدك يارب و يخليك لنا اجمل عروسه 

    ماعندي خوات بس انت بحسبت اخت و اكثر و مشاركتي بزواجك كان ابسط شي اقدمه لك ❤️❤️❤️

    و الله يشافي خالتي و يعافيها و يعطيها الصحه و العافيه و يخليها لكم و يطول بعمرها يارب❤️❤️❤️ 

  8. زواج جداً جميل ماشااءالله تبارك الله حبيت تفاصيل زواجك و ترتيبه وحبيت اكثر شيء فكرة زفة صديقاتك المقربات حبيبتي نوره الله يوفقك ويسعدك بحياتك ❤️

    والله يشفي الوالده ويعافيها ويطول بعمرها يارب ويخليها لك❤️

  9. حضرت الزواج وكان رائع ووصفك للزواج أروع

    فعلاً من اجمل الزواجات بالترتيب والتقديم وكنتي اجمل مافي الزواج

    الله يوفقك ويسعدك ويشفي امك من كل شر 

    وجد وصفتي كل شي وفقرة الصاحبات مررررة جميله 

    وخسارة مالحقت انك رجعتي 

    الله يوفقك يا احلى عروسه بالدنيا ?

  10. كنت حاضرة الزواج وكان مرة روعة لكن لما وصفتيه صار أروع

    فعلاً من اجمل واروق الزواجات كل شي مرتب وجميل وطبعاً طلتك اجمل كنتي من اجمل العروسات 

    التقديمات كانت جمييله وفقرة الصاحبات رااائعة 

    وخسارة ماشفتك لما رجعتي 

    الله يوفقك ويسعدك يا اجمل عروسه ويشفي امك ويخليها لكم يارب 

  11. One of the most amazing weddings I attended,,, God bless u Nora…. Everything has a touch of your soul ❤️❤️❤️❤️

  12. اختي وحبيبتي اللي ماجابتها امي نوره..

    من يومك تحبين تفيدين غيرك وتستفيدين، فعلاً كان افضل زواج ماشاءالله متكامل الزفة والكوشة والتقديم والقاعة❤️

    واكبر فرحة لي لما مشيت معاك بزفتك..

    الله يوفقك ياروح اختك ويحقق لك ماتتمنين❤️

  13. الأخت نوره اول مره اقرا البلوق حقك انا تزوجت وكان الحمد لله زواجي جمييييل بس نغص علي المصوره المشهوره جدا اللي للاسف ماكانت على قد شهرتها  بس لما قريت جملتك انها مجرد ليله وركزي على الاشياء الجميله صاااادقه وشكرا لك والله يعطيك الف عافيه

Leave a Comment