(تجهيزات العروسه (مدينة الرياض

In Blog مدونهby Nora Saad12 Comments

(تجهيزات العروسه (الرياض

بما اني عروسه وأجهز للزواج فكرت أوثق كل مكان أروحله عشان أفيدكم 

وحابه اشكر حساب فادني كثير وشامل فيه كل المعلومات عن الزواج والتجهيزات 

Wedding_Blog  : انستجرام 

هالبلوق بحاول أجمع لكم كل التجهيزات الي تهم العروسه والأماكن الي انصح فيها وشفتها بنفسي 

راح اكون عامه وبجيب كذا مكان عشان يناسب مختلف الأذواق 

بسم الله نبدأ

العيادات
ليزر ازاله الشعر –

يفضل تكونين بديتي من قبل عشان ترتاحين والحمدلله الحين أشوف كثير بنات بدأو من سن صغير

دكتور جلديه – 

ضروري تكونين مختاره عياده ودكتور شاطر ومتابعه معاه من مده 

أحرصي أكلك يكون صحي لأنه بينعكس على بشرتك بشكل واضح 

وأهتمي من الصغر لانه علاجات البشره تكلف كثير كثير

من الأشياء الي جربتها مع الدكتور قبل الزواج   ابر البلازما 

اجراء بسيط وسريع يسحب عينه من الدم فنفس الوقت يحقنها فالوجه 

تبان النتيجه بعد 10 ايام تعطي نظاره وتخفف الهالات السودا 

اما للشعر فيه اكثر من علاج على حسب طبيعه شعرك 

بالنسبه لشعري سويت علاج الكولاجين يعطي حيويه للشعر 

الأسنان –

اذا أسنانك سليمه وبس يبيلها تبييض سوي تبيض تكفون لاتحفرون اسنانكم وتركبون فينير وعدسات مافي زي السن الطبيعي والله وأحنا لسى صغار 

 اهتمو بأسنانكم وعادي لو تسوون تبييض اكثر من مره بالسنة أهون بكثير

أخصائيه تغذيه –

حتى لو جسمك مثالي حلو تراجعين مع أخصائيه تحسبلك نسبه الدهون ونسبه العضل والمويه الي بجسمك لأنه بتصدمك النتايج الداخليه الوزن لحاله مو كافي عشان نحكم أقلها  لحد ما تتعلمين أيش النظام الي يناسبك وبعدها تبدعين لحالك 

دكتوره نساء – 

عن نفسي فادتني جدا مع أني أجلس مع حريم كبار بس يفرق يفرق دكتوره مختصه 

اقعدي معها بعد الملكه خليها تعلمك كل شي وان شاءالله أنك تتطمنين من كلامها أكثر

 فستان الزواج –

أحس أهم و أونس فقرة بالنسبه لأي عروسه البحث عن فستان الزواج 

بكتب لكم كل المحلات الي مريت عليها مع تفاصيلهم 

كل المحلات الي بذكرها الحين في شارع العليا بعد برج المملكه

وكلها فيها غرف قياس

1- pronovias

Pronovias2

هالمحل يستورد فساتين من أسبانيا

 له فرعين بالرياض واحد في شارع العليا والثاني في مارينا مول

وله فروع كثيره برى زرت فرعهم في دبي وكل فرع تختلف البضاعه 

ومتوفره تصاميم ايلي صعب 

أسعارهم تبدأ من 7000 توصل الى 25000 

فساتين سنه 2015 عليها تخفيض %50

فساتين 2014 عليها تخفيض %70

 عندهم قسم لفساتين السهره والمناسبات 

DSC07376DSC07380DSC07379 DSC07387 DSC07393

2- Demetrios

DSC07412

أتوقع انه أكبر محل فساتين جاهزه في الرياض 

كبير كبير ماشاءالله ويرضي كل الأذواق 

عشان ماتتعبون وأنتم تدورون اطلبو الكتالوج وتفرجو واذا عجبكم فستان يعرضونه لكم 

وغير كذا يعدلون لكم على حسب طلبكم 

أسعارهم تبدأ من 3 الاف وفوق 

وفساتين السنه الماضيه عليها تخفيض %50

DSC07417 DSC07414 DSC07419

3- دار زهيد 

DSC07425

تصاميم مميزه وفخمه تنفع للزواجات الكبيره 

أسعارهم تبدا من 7000 وفوق 

DSC07427 DSC07428

4- Milano 

DSC07396

 بدون مبالغه هالمحل ريحني من مهمه البحث عن كعب الزواج 

طلعت وأنا مبسوطه وراضيه باختياري

أولا المحل يفصل اي شي تبينه على حسب طلبك 

وعنده خيارات جاهزه اذا عجبك منها تاخذينها

I Do المميز عندهم يطبعون من تحت الكعب تاريخ الزواج وكلمه

DSC07402 DSC07407 DSC07409

Makeup 

 سيفورا شامل كل شي ماشاءالله وعندهم البلاك كارد يعطونك اياه تجمعين نقاط-

وجوه-

 اسواق طيبه الحلو فيهم يعملون خصم لو شريتي بالمجموعه بس انتبهو لانه بس محلات معينه الي تجيب قطع اصليه 

Store_to__door انستجرام تعاملت مع هالمتجر-

الحلو عندها توصيل فوري + اسعارها حلوه+ كل بضاعتها اصليه

Lingerie

 محل واحد اتعب وأنا أقول جميل حصلت عندهم كل شي على ذوقي   

Boux 

Bouxavenueksa : حسابهم في انستجرام 

12912492_1371994346159827_1645397641_n 12230804_1670427569844327_1193121962_n

: محلات ثانيه انصح فيها 

 Womens secrets 

la vie en rose 

La senza

الزفه 

اخترت زفاتكم  متوفر عنده كل شي ابيه والحلو انه يدمج لك كم شي وتكون الزفه حصريه لك 

ومتوفر عنده باكجات كل باكج فيه عروض حلوه 

 يوفر عازفه بيانو وراقصين واي شي يخطر فبالك 

احلى فقره بالنسبه لي كانت التدريب عالزفه 

كنت مستهينه بهالشي اول بس لما دربني فرق معاي كثير 

 Zffatkum حسابهم في الانستجرام 

 

ديكور الزواج

غني عن التعريف 🙂 سيرموني سباركلز

مبدع قليله بحقه هالانسان سواء كان الزواج في قاعه او في بيت يقلبلك المكان  شكل ثاني ويصمم لك زواج احلامك على ارض الواقع 

المبدع عبدالمحسن هالانسان ماعنده شي مستحيل 

Instgram : Ceremony_sparkles 

 

Spa 

راح اذكر حسابات الاماكن فانستجرام وادخلو وشوفو 

بالنسبه لي كلهم حلوين ويستاهلون الزياره والتجربه 

-Thespasa 

-Elitespa.sa  

-Luthanhoteland spa

-4spa 

-meemzspa 

Almultaka 

  …………………………………………………………

وخلصنا يارب تكونون استفدتو 

  انا الان اكتب لكم وبكرا زواجي 

 عادي الحياه تمشي

:نصيحتي 

 لاتقشون كثير أحنا مو داخلين على حرب لاقدر الله أشترو بالمعقول لاتراكمون الأغراض والله بتملون
أستمتعو وانتم تجهزون لاتقلبونه هم وبس تبون تخلصون  وتذكرو مين تفرغ لكم وعطاكم وقته وساعدكم هالفتره
بكل لحظه وبكل خطوه ادعو ربي يوفقكم ويسهل اموركم ويسخركم لبعض  

لاتفكرون بأسوء أحتمالات وهي يمكن ماتصير حتى !! خلوها فوقتها لاتشيلون هم شي تتوهمونه وماصار عيشو اليوم واللحظه

الله يسعد كل عروس وعريس 

heartدعواتكم..

Comments

  1. الله يوفقك و يكتبلك بداية خير و سعاده .. ما شاء الله شامل و كامل بس ليتك تكلمتي عن القاعات و اسعارهم، و بالنسبة للويدنق بلانرز ليتك تعطينا فكرة عنهم ??

  2. البلوق حقك جميل جدا الله يسعدك صدق بيساعد العرايس اللي يحتاجون يعرفون المحلات اللي يروحون لها❤️

  3. البلوق جمييييل والصور تفتح النفس ?✨✨✨

     

    1. when watching a playlist in fullscreen it would be nice if each vid opened in fullscreen, rather than having to click to fullscreen – seems this hinders the goal of a playlist in the first place.

    2. I’m still fielding around with + but I like that it is clean and I love that mafia wars stuff doesn’t fill my wall(what is it called in +)?I clicked the + for this article and it did not go to my wall, rather a section just for me similar to a bookmark.That being said I don’t think a lot of big time blogs will add it because the whole point of those buttons is to help the post spread like wild fire.But then you have to think about if google is using the number of times an article is bookmarked as an SEO factor which you pointed out.hmmm

    3. Thanks, Dawn! I’m glad I’m not the only one who gets pleasure from these fun web things. I’ve read your hero posts, and enjoyed them very much. Recent blog post:

    4. an antipsychotic. But the complication is, we have … Mail (will not be published) (required) …Deus lo Vult! A an¡lise de conjuntura da CNBBA an¡lise de conjuntura da CNBB. Friday, February 26, 2010 17:37 | Filled in Muralhas … ou

  4. جدا جميل والله يوفقك على مجهودك وتعبك .. كل مكان ذكرتيه يجنن ..خاصة بوكس حبييييته كل اغراضهم تفتح النفس بالذات الالوان غصب تشترين حتى لو ماتزوجتي .. ?الله يسعدك ويوفقك​

Leave a Comment