Photography Poses وضعيات التصوير

In Blog مدونه, Photography التصويرby Nora Saad3 Comments

وضعيات التصوير

بتساعدكم تحبون شكلكم فالصور وترتاحون قدام الكاميرا

زاويا التصوير ممكن (تخفي) او (تبرز)  مناطق

اغلب العارضات يعرفون هالخدع ويطبقونها في صورهم

القدم اجمل بكثير وحده متقدمه عن الثانيه ويبين انه الشخص واثق ومرتاح في التصوير عكس لما القدمين يكونون متلازقين يبين انه الشخص متوتر

احرصو يكون اتجاه اليد عكس اتجاه الكاميرا مو مقابلها

والبطن يكون مشفوط على داخل

اي شي قريب من الكاميرا يبان اكبر للعين

 

وضعيه (قدم متقدمه عن قدم) تعطي جمال للجسم  وانوثه وتبرز الخصر

مثال ثاني لحركه القدم

اكثر سؤال يجيني نوره ايش اسوي بيدي وقت التصوير

فيه مليون وضعيه لليد بس اهم شي لاتخلونها طايحه بدون حركه

هنا حلوه وقفتها على جمب ويد وحده عالخصر عطتها تقسيم

فاليمين وضعيه يدها جميله لفتت النظر للوجه بدون ما تغطيه

ووضعيه القدم فوق بعض تحلي وتبين انحف

عكس اليسار حركه اليد تبين انه البنت معصبه او طفشانه

ووضعيه القدم تعطي مظهر اكبر حتى لو الشخص نحيف

الظهر❌لازم ظهركم مستقيم فالجلسه فالمشيه موبس وقت التصوير مره هالشي مهم فوق انه صحي يعطي شخصيه واثقه ويبرز الجسم بأجمل شكل عكس الي محدبه ظهرها تطلع كانها شخصيه لامباليه ولايهمها شي ويطلع لها كرشه وزوائد

الجلسه اجمل لما تميلين جسمك على جمب والظهر مستقيم رزه

ويبان طولك وتقسيمه جسمك

دائما انصح فالتصوير استفيدو من اليد في الوضعيات لاتخفونها عن الكامير تبان كانها مقطوعه

انا افضل يد وحده عالخصر مع انحناء الجسم بهالشكل

 يدين عالخصراذا ماكانت بشكل صح يبان كانه الشخص معصب

هنا كلهم استخدمو يدهم فالتصوير لكن وحده اخفت وجهها بيدها والثانيه بالعكس بينت عظمه الفك باصابعها بدون ماتخفي وجهها

✅ عاليمين بينت جمال وجهها واستخدمت يدها بشكل ناعم

❌عاليسار اخفت كف يدها وقدمت الكوع باتجاه الكاميرا

عاليمين استخدمت يدها بشكل حلو مع استقامها الرقبه

عاليسار كانها تعطي وجهها بوكس👊😅وهالوضعيه تستخدم للتعبير عن الملل

الرقبه مهم جدا تكون مستقيمه مع استقامه الظهر تعطي ثقل و رزه

 

Couples / وضعيات المتزوجين / الام والاب

في الصور الرسميه ارقى الوضعيه الي عاليمين

والجسم فيه استقامه للظهر والرقبه والأوجه واضحه

عكس عاليسار فيه تحديبه واختفى جزء من الوجه

عاليمين يدهم واضحه ومرتاحه والظهر مستقيم

عاليسار يدهم مخفيه ومومرتاحين وتبان اعرض من الحقيقه

عاايمين وضعيه جسمهم ممتازه والميلان يبين الجسم اصغر

عاليسار كثير يسوون هالوضعيه تخفي ملامح الوجهه

ومسكه اليد تبين انك شخصيه متحكمه ابدا مولطيفه

اجمل مسافه بين الوجهين تبان رسمه الوجه

عاليمين يد مرتاحه على ورى ويد قدام وظهرمستقيم

عاليسار كانها بتخنقه وشعرها يبان مبهذل ومضايقه والظهر محدب

 

وضعيات الرجل 

كلها سهله وبسيط تطبيقها تعتمد على ابراز الثقه فالنفس

القدم وحده متقدمه عن الثانيه مع ميلان فالجسم

وضعيه يد في الجيب ويد برى تعطي هيبه وغموض

ميلان الجسم عن اتجاه الكاميرا يعطي ابعاد للجسم

 مسافه بين القدمين ضروريه واستخدام اليد فالوضعيات

يبان الشخص واثق ورتاح بالوقفه

 

📸 ان شاءالله استفدتم من هالموضوع لأنه الاكثرطلب

💗وروني نتايجكم وتطبيقكم في انستجرام

Comments

  1. كنت احتاج هذا الموضوع مره يعطيك العافيه والله❤️

  2. انا من الناس الي ماتعرف توقف قدام الكاميرا😂 😍من اليوم ببدأ اطبق هالنصائح شكرا جزيلا على مشاركتنا

Leave a Comment